Matilda Koén-Sarano, eskritora, investigadora, poetesa i kontadera, nasió en Milano (Italia) en una famiya djudeo-espanyola proveniente de Turkía. Es lisensiada en literatura italiana, djudeo-espanyol i folklor de la Universidad Ebrea de Yerushaláyim. La aktividad prinsipal de Matilda está en el kampo de la konservasión i el arrebivimiento de la lingua, la kultura i el folklor djudeo-espanyol. Matilda, madre de tres ijos, agora bive en Pétah-Tikvá.
Matilda Koén-Sarano publikó, dezde mas de 30 anyos, una amplia seria de livros de kuentos populares i personales, varios CDs de kantikas muevas en djudeo-espanyol, livros de estudio del djudeo-espanyol, un diksionario ebreo-ladino/ladino-ebreo, un livro de poezías i kantikas, un livro de kuzina, un livro de piesas de teatro i mas i mas. Eya es una mujer pioniera, infatigavle, karizmatika.
El Sentro Sefardi de Estambol (www.istanbulsephardiccenter.com), en kolaborasión kon Gözlem Gazetecilik Basın ve Yayın A.Ş., tiene el grande plazer de re-publikar una seria de los kuatro livros primeros de Matilda, ke ya no se topan mas. Los kuentos, konsejas i lejendas ke Matilda arekojó en lo largo de los anyos demuestran la korona de la kultura sefaradí: el umor i la intelijensia i la manera de bivir i pensar. Este trezoro de muestra kultura deve de ser aksesivle a todos. Es por esto ke muestro Sentro izo todo su posivle para re-publikar el trezoro ke Matilda mos dio. Grasias Matilda, por aver echo este lavoro jigantesko!
Ürün Özellikleri
Ayrıca +90 212 231 9282 no'lu telefondan da bize ulaşabilirsiniz.
For international orders; please contact kitabevi@salom.com.tr with the information of the products you want to buy, the delivery address and your contact information or alternatively, call +90 212 231 9282.
Para pedidos desde fuera de Turquía; póngase en contacto con kitabevi@salom.com.tr con la información de los productos que desean comprar, su dirección de entrega y datos de contacto o, llame al +90 212 231 9282.
